Asociación Rianxeira de Empresarios 

A Asociación Rianxeira de Empresarios (ARE) foi fundada no mes de xaneiro de 1988 co propósito principal de representar, defender e promover os intereses económicos, sociais, profesionais e culturais dos seus asociados. No ano 2005, aproveitando a agrupación de empresarios xa existente, creouse o CCA de Rianxo Comercio Unido, dependente da anterior, e no que se incluíron os establecementos asociados pertencentes aos sectores do comercio, a hostalería e dos servizos.

No ano 2020, ARE deu vida a Mercarianxo.gal , un marketplace que permite aos comercios poñer á venda os seus produtos de forma rápida e sinxela, sen necesidade de realizar ningunha inversión inicial. Este novo proxecto axuda aos negocios locais a adaptarse á era dixital e a ampliar o seu alcance.

E agora, no 2023, lanzamos unha aplicación chamada Máis Rianxo. Esta app está deseñada para axudarte a aforrar nas túas compras no comercio local de Rianxo. Con Máis Rianxo, poderás bonificar unha parte das túas compras e acumular saldo no teu moedeiro virtual para usar en futuras compras, ao tempo que estarás ao tanto das promocións, eventos e campañas especiais que ocorren na vila. Unha ferramenta esencial para fomentar o aforro e conectar coa comunidade local.