Rianxo, 28 de xuño de 2023
Estimados socios e socias,
Saúdovos cordialmente e comunícovos que, en breve, se van convocar eleccións á presidencia da ARE.
Desde a ARE, tanto os meus predecesores coma min, traballamos a prol do conxunto de socios e socias poñendo en marcha proxectos e actividades destinados a acadar melloras e vantaxes comúns.
Así, nestes momentos hai asinados diversos convenios cos que os socios se poden beneficiar de prezos vantaxosos na contratación de servizos varios, algúns deles obrigatorios para o cumprimento de lexislación vixente.
Están tamén en marcha proxectos como mercarianxo.gal, APP Máis Rianxo e a próxima instalacíón dunha pantalla led para a promoción e difusión dos negocios asociados e das actividades promovidas pola ARE.
A convocatoria de eleccións á presidencia da ARE é a oportunidade de seguir sumando e aportando a este proxecto colectivo e facelo mellorar e medrar.
Convídovos a todos e todas a que valoredes a posibilidade de presentar candidatura e continuar traballando a prol dos negocios locais e o seu desenvolvemento.
Un cordial saúdo
José Manuel Regueira Vázquez
Presidente