En España existen virucidas autorizados e rexistrados (Ministerio de Sanidade) con demostrada eficacia fronte ao Covid-19. Algúns poden ser utilizados polo público en xeral e outros son para o uso de Empresas de Limpeza.
O resto de produtos biocidas, e dicir, os autorizados para ser utilizados por persoal profesional e por persoal profesional especializado, requiren coñecemento e/ou capacitación establecida na normativa sanitaria. Estes produtos son utilizados por Empresas de Servizos Biocidas a terceiros inscritas no Rexistro Oficial de Servizos Biocidas das Comunidades Autónomas (ROESB).
Tamén poden utilizar estes produtos as Unidades NBQ das Forzas Armadas e a Unidade Militar de Emerxencias, que foron expresamente autorizados polo Ministerio de Sanidade mentres se manteña o estado de alarma.
O ozono e o dióxido de cloro estanse utilizando como virucidas sen estar contrastado que o sexan, o que pode supoñer unha falsa sensación de seguridade.
O ozono encóntrase en revisión pola Axencia Europea de Produtos Químicos e é unha sustancia oxidante xerada in situ que ten numerosas aplicacións industriais pero que, ao non ter sido avaliada aínda pola Unión Europea para o se uso como desinfectante de uso ambiental, non se ten coñecemento das doses necesarias para garantir a súa eficacia como virucida e dos efectos para a saúde que estas concentracións poden desencadear.
O dióxido de color é bactericida e funxicida pero non virucida. Non se atopa na Listaxe de produtos virucidas autorizados en España polo Ministerio de Sanidade e non pode utilizarse como tal.
Por todo isto, a Sociedade Española de Sanidade Ambiental desaconsella o uso de ozono e dióxido de cloro na desinfección de aire e superficies fronte ao Coronavirus.
↓ MÁIS INFORMACIÓN PREMENDO AQUÍ